|
12 júní 2010
... Að menn eiga eftir að gapa þegar þeir sjá MX unglinga næst á ráslínu
... Að einn af ungu efnilegu ökumönnum þar hafi skipt um lit á hjóli í vikunni eftir margra ára viðurveru á hinum litnum
... Að sá hafi fengið sig fullsaddann af bilunum og hafi því skipt um lið/lit.
... Að það verður forvitnilegt að sjá hvernig hann finnur sig á nýju hjóli, nýrri tegund.
10 júní 2010
... Að margir hafi haft það að orði að uppstilling fyrstu hópa á ráslínu hefði verið afar einkennileg og þá sérstaklega ef tekið er tillit til hvíldar á milli moto-a
... Að þetta stutta hlé á milli fyrstu moto-a hafi heldur betur sett strik í reikninginn fyrir keppendur í MX-B og MX kvenna
... Að sumum hafi verið mjög brátt í brók eftir fyrsta moto en þá hafi hafist leitin af kömrunum sem voru ekki beint í nálægð við pittinn
... Að þegar keppendur loksins fundu kamarinn að þá var það upp á happa og glappa hvort hann var í notkun, enda bara tveir slíkir á svæðinu.
... Að einn keppandinn hafi hreinlega ekki haft tíma til að skeina sér á milli moto-a og hafi hlaupið nánast með buxurnar á hælunum til að komast aftur út í tíma.
... Að viðkomandi ökumaður hafi reynt að standa eins mikið og hann gat í síðara moto-inu, "I wonder why"?
... Að þessum ökumanni fannst skítalykt af dagskrá MSÍ þennan daginn og að sumir töldu að hann hefði drullað upp á bak...:0)
31 maí 2010
... Að það sé hugur í mönnum fyrir fyrsta MX mótið í Ólafsfirði um helgina
... Að sumir ætli sér stóra hluti og fyrir sumar er ekkert annað en sigur sem kemur til greina
... Að nýja Yamaha YZ450F árgerð 2010 sé komið til landsins
... Að dýrðina má líta á hjá Artic Trucks, en þar standa tvö hjól til sýnis
... Að margir hafi komið og slefað yfir þessum glæsilegu hjólum
28 apríl 2010
... Að Sveppagreifinn hafi kynnst móðir jörð of náið í gær
... Að Sveppagreifinn þakkar fyrir að hafa verið með Asteriks spelkur í gær og í góðri brynju
... Að morfín virkar!
... Að Sveppagreifinn missir líklegast af Klausturskeppninni...:0(
... Að Sveppagreifiinn muni hér eftir nota staðbundið deyfilyf sem heitir Thule að hætti Katoom...
11 mars 2010
... Að nú styttist óðum í að flaggskip Yamaha, YZ450F árg.'10, komi til landsins í allri sinni dýrð
... Að margir hverjir geta ekki beðið eftir að berja þennan grip augum
... Að líklegast muni verða keppt á slíku hjóli á Klaustri 2010
... Að allt ætlaði um koll að keyra þegar opnað var fyrir skráningu á Klausturskeppnina í gær
... Að Hákon vefstjóri motocross.is hafi staðið með ísfötu á kantinum til að kæla netþjóninn niður sökum álags
... Að hamagangurinn hafi verið svo mikill að fartölvur sumra keppenda hafi verið í hættu og einhverjar af þeim hafi endað í gólfinu af æsingi
... Að Davíð Knútsson er skráður til leiks
... Að maður getur vart beðið eftir þessari keppni og nú má bara sumarið koma..:0)
16 janúar 2010
... Að Aron og Signý séu farin til Belgíu þar sem þau munu koma til með að æfa saman
... Að bæði ætli sér að taka þátt í mótum sem haldin verða í Belgíu á þessu ári
... Að Aron muni að öllum líkindum taka þátt í Íslandsmeistaramótinu hér á heima þrátt fyrir að vera farin til Belgíu
... Að nú sé orðið útséð með að VÍK geti útvegað sér aðstöðu innanhús til æfinga fyrir unga sem aldna
... Að allir tímar í reiðhöllum landsins séu fullnýttir og ekkert laust fyrir hjólafólk þrátt fyrir að umleitanir hafi byrjað í nóvember
... Að VÍK sé þó búið að tryggja það að hægt verði að halda í það minnsta eina endurocrosskeppni í viðbót
... Að innanhúsæfingarnar hafa sýnt að hjólafólk sárvantar innanhús aðstöðu fyrir sitt sport
27 nóvember 2009
... Að allir þeir bestu í enduro standi í röðum af æsingu yfir að fá að taka þátt í nýju endurocrossmótaröðinni
... Að hver sem einn hafi boðið fram krafta sína til að koma þessari keppni á laggirnar
... Að búið sé að helling af afar skemmtilegum efnum til að gera hinar ýmsu þrautir og verður þarna hlutir sem aldrei hafa sést áður í svona keppni
... Að Sölvi #123 sé "without a ride" fyrir tímabilið 2010 og stundi nú enduroakstur af miklum móð á pabbahjóli
... Að Aron #66 hafi vakið mestu athygli á uppskeruhátíð MSÍ fyrir smekklegan klæðaburð við verðluanaafhendinguna. Flottar geirvörtur Aron..:0)
... Að Aron hafi tekið allan pakkann og farið í kampavínsbað upp á sviði hljómsveitarmeðlimum til mikillar gleði eða þannig
... Að um 800 manns hafi komið á Yamahasýningu Artic Trucks um síðustu helgi til að skoða herlegheitinn og mikill áhugi hafi verið hjá gestum
|
Ég get ekki annað en dáðst af kraftinum í VÍR þessa dagana. Ekki nóg með að búið sé að taka svæðið mikið í gegnum og koma upp aðstöðu fyrir starfsmenn og hin venjulega hjólamann, heldur var ráðist í að fá graffara í samvinnu við Leon í Mohawks til að skreyta gamla herspítalann. Mun herspítalinn taka miklum stakkaskiptum á næstunni og verður gaman að sjá þegar búið er að skreyta hann allan. Bóbó, Elín og restin af liðinu hafa verið þarna nánast dag og nótt og lætur árangurinn ekki á sér standa. Ekki verra að það er alltaf tekið á móti manni með bros á vör og maður finnur að maður er velkominn á svæðið. Svo víkjum aftur að óskyldu máli, að þá get ég ekki beðið eftir að sjá þessa tvo takast á, á morgun...:0)
Verð að segja að ég varð fyrir miklum vonbrigðum þegar ég renndi yfir keppendalista fyrir næsta Íslands-meistaramót í motocrossi sem fer fram á laugardaginn í Sólbrekku. En eingöngu um áttatíu keppendur eru skráðir sem verður að teljast lélegt þar sem öllu jafna hafa verið að skila sér um eitthundrað keppendur á ráslínu í MX mótin. Sérstaklega vekur léleg skráning í MX unglinga athygli mína og spurning mín er hvort að skemmtanalífið sé farið að taka sinn toll í unglingaflokknum. Ég ætla ekki að draga úr þeim sem mæta og hlakka ég mikið til að sjá þessa sem hafa skráð sig, en mér bara finnst brottfall í unglingaflokknum vera orðið mjög áberandi þegar flokkurinn fer úr um þrjátíu keppendur niður í fimmtán. Fjölmennasti flokkurinn á ráslínu er MX kvenna og virðist hann óðum vera að ná sér frá því að nokkrar af þeim brugðu sér í barneignafrí, en átján hafa skráð sig. Jæja, hætta þessari neikvæðni en þeir sem eru ekki með eiga eftir að missa af skemmtilegu móti. Hægt er að skoða allan keppendalistann með að smella 
Um næstu helgi fer fram þriðja umferð í Íslands-meistaramótinu í motocrossi og fer keppnin fram í einni af elstu motocrossbraut landsins Sólbrekku hjá þeim höfðingum í VÍR. Nokkuð er síðan að opnað var á skráningu á vef MSÍ og rennur skráningarfrestur út á miðnætti þriðjudaginn 20 júlí. Nú þegar eru nokkrir búnir að skrá sig. Síðustu ár hafa keppendur verið mjög ánægðir með keppnina í Sólbrekku og brautina en nú er spurning hvernig keppendur fíla brautina þar sem búið er að snúa henni við. Mitt fólk er sátt við brautina eins og hún er í dag þó ég efist ekki um að VÍR menn séu í stöðugum pælingum um að gera betur. Mikið hefur verið gert á svæðinu síðustu vikur og hefur aðstaðan á svæðinu tekið miklum stakkaskiptum til hins betra. Á morgun stendur meira að segja til að hópur graffara mæti á svæðið og skreyti gamla herspítalann og bíð ég spenntur eftir að sjá breytingarnar. En Leon í Mohawks á heiðurinn af því að graffararnir mæti á svæðið. Að lokum vil ég ítreka það að skráningarfrestur í Sóbrekkurmótið rennur út á miðnætti 20 júlí.
Ótrúlegt en satt, að þá er þetta sumar orðið rúmlega háflnað og senn fer haustið að renna í garð með tilheyrandi veðrabrigðum. Persónlega finnst mér haustið fallegasti tími ársins og það gera litirnir sem myndast í náttúrunni. Það sem fylgir haustinu er að þá hefst heimsmeistarakeppni okkar hjólamanna sem við höfum gefið skammstöfunina MXoN (MX of Nations). Nú er hvert landið á fætur öðru að gefa út hverjir munu verða fulltúrar þeirra í þessari margrómuðu keppni en við hér klakanum bíðum með allar yfirlýsingar um slíkt þar til fjórar umferðir af fimm er lokið. Verð þó að segja að Aron Ómarsson virðist vera öruggur í MX1 og Eyþór Reynisson sem MX2 ökumaður. Hver skipar þriðja sætið í liðinu er ósvarað og mun sá keppandi væntanlega keyra í MX3.
