|
12 júní 2010
... Að menn eiga eftir að gapa þegar þeir sjá MX unglinga næst á ráslínu
... Að einn af ungu efnilegu ökumönnum þar hafi skipt um lit á hjóli í vikunni eftir margra ára viðurveru á hinum litnum
... Að sá hafi fengið sig fullsaddann af bilunum og hafi því skipt um lið/lit.
... Að það verður forvitnilegt að sjá hvernig hann finnur sig á nýju hjóli, nýrri tegund.
10 júní 2010
... Að margir hafi haft það að orði að uppstilling fyrstu hópa á ráslínu hefði verið afar einkennileg og þá sérstaklega ef tekið er tillit til hvíldar á milli moto-a
... Að þetta stutta hlé á milli fyrstu moto-a hafi heldur betur sett strik í reikninginn fyrir keppendur í MX-B og MX kvenna
... Að sumum hafi verið mjög brátt í brók eftir fyrsta moto en þá hafi hafist leitin af kömrunum sem voru ekki beint í nálægð við pittinn
... Að þegar keppendur loksins fundu kamarinn að þá var það upp á happa og glappa hvort hann var í notkun, enda bara tveir slíkir á svæðinu.
... Að einn keppandinn hafi hreinlega ekki haft tíma til að skeina sér á milli moto-a og hafi hlaupið nánast með buxurnar á hælunum til að komast aftur út í tíma.
... Að viðkomandi ökumaður hafi reynt að standa eins mikið og hann gat í síðara moto-inu, "I wonder why"?
... Að þessum ökumanni fannst skítalykt af dagskrá MSÍ þennan daginn og að sumir töldu að hann hefði drullað upp á bak...:0)
31 maí 2010
... Að það sé hugur í mönnum fyrir fyrsta MX mótið í Ólafsfirði um helgina
... Að sumir ætli sér stóra hluti og fyrir sumar er ekkert annað en sigur sem kemur til greina
... Að nýja Yamaha YZ450F árgerð 2010 sé komið til landsins
... Að dýrðina má líta á hjá Artic Trucks, en þar standa tvö hjól til sýnis
... Að margir hafi komið og slefað yfir þessum glæsilegu hjólum
28 apríl 2010
... Að Sveppagreifinn hafi kynnst móðir jörð of náið í gær
... Að Sveppagreifinn þakkar fyrir að hafa verið með Asteriks spelkur í gær og í góðri brynju
... Að morfín virkar!
... Að Sveppagreifinn missir líklegast af Klausturskeppninni...:0(
... Að Sveppagreifiinn muni hér eftir nota staðbundið deyfilyf sem heitir Thule að hætti Katoom...
11 mars 2010
... Að nú styttist óðum í að flaggskip Yamaha, YZ450F árg.'10, komi til landsins í allri sinni dýrð
... Að margir hverjir geta ekki beðið eftir að berja þennan grip augum
... Að líklegast muni verða keppt á slíku hjóli á Klaustri 2010
... Að allt ætlaði um koll að keyra þegar opnað var fyrir skráningu á Klausturskeppnina í gær
... Að Hákon vefstjóri motocross.is hafi staðið með ísfötu á kantinum til að kæla netþjóninn niður sökum álags
... Að hamagangurinn hafi verið svo mikill að fartölvur sumra keppenda hafi verið í hættu og einhverjar af þeim hafi endað í gólfinu af æsingi
... Að Davíð Knútsson er skráður til leiks
... Að maður getur vart beðið eftir þessari keppni og nú má bara sumarið koma..:0)
16 janúar 2010
... Að Aron og Signý séu farin til Belgíu þar sem þau munu koma til með að æfa saman
... Að bæði ætli sér að taka þátt í mótum sem haldin verða í Belgíu á þessu ári
... Að Aron muni að öllum líkindum taka þátt í Íslandsmeistaramótinu hér á heima þrátt fyrir að vera farin til Belgíu
... Að nú sé orðið útséð með að VÍK geti útvegað sér aðstöðu innanhús til æfinga fyrir unga sem aldna
... Að allir tímar í reiðhöllum landsins séu fullnýttir og ekkert laust fyrir hjólafólk þrátt fyrir að umleitanir hafi byrjað í nóvember
... Að VÍK sé þó búið að tryggja það að hægt verði að halda í það minnsta eina endurocrosskeppni í viðbót
... Að innanhúsæfingarnar hafa sýnt að hjólafólk sárvantar innanhús aðstöðu fyrir sitt sport
27 nóvember 2009
... Að allir þeir bestu í enduro standi í röðum af æsingu yfir að fá að taka þátt í nýju endurocrossmótaröðinni
... Að hver sem einn hafi boðið fram krafta sína til að koma þessari keppni á laggirnar
... Að búið sé að helling af afar skemmtilegum efnum til að gera hinar ýmsu þrautir og verður þarna hlutir sem aldrei hafa sést áður í svona keppni
... Að Sölvi #123 sé "without a ride" fyrir tímabilið 2010 og stundi nú enduroakstur af miklum móð á pabbahjóli
... Að Aron #66 hafi vakið mestu athygli á uppskeruhátíð MSÍ fyrir smekklegan klæðaburð við verðluanaafhendinguna. Flottar geirvörtur Aron..:0)
... Að Aron hafi tekið allan pakkann og farið í kampavínsbað upp á sviði hljómsveitarmeðlimum til mikillar gleði eða þannig
... Að um 800 manns hafi komið á Yamahasýningu Artic Trucks um síðustu helgi til að skoða herlegheitinn og mikill áhugi hafi verið hjá gestum
|
Nú er nýafstaðin 19 umferð supercrossins, sem fór fram í Dallas. En nokkuð gekk á í Lites flokknum og gáfu undanrásirnar tóninn hvað það varðar. En Josh Crant sigraði nokkuð örugglega í sínum flokk í undanrásunum og Ryan Villopoto er greinlega allur að komast í sitt gamla form og sigraði í sínum flokki í undanrásunum. Það sem vakti athygli var að Trey Canard þurfti að taka þátt í LCQ, sem hann svo sigraði í, til að öðlast þátttöku rétt.
Það er á mörkunum að maður setji þetta niður á blað að fjölskyldan hafi brugðið sér í Sólbrekku, þar sem við höfum svo sem ekki farið neitt annað síðustu daga. Enda engar aðrar brautir opnar ennþá, nema jú Þorlákshöfn. Óliver ákvað að sitja heima í dag og spila körfubolta með Ísak vini sínum. En ég mundaði myndavélina, as usual, á meðan mæðgurnar hjóluðu. Annars fer þetta vonandi að koma hjá mér með mjöðmina þar sem JóiKef setti mig strax í tíma hjá sér í fyrrmálið og er það gott þar sem ég hafði ekki sjálfur rænu á að gera slíkt. Tók ekki eins margar myndir og síðast þar sem birtan var ekki eins góð og er bein slóð: 
Það liggur við að maður segi bara, "sorrý Sindri", en það var ákveðið á síðustu stundu að fara í Sólbrekku en ekki Þorlákshöfn eins og fólk var búið að tala sig saman. Veit að brautin í Þorlákshöfn var slétt og fín, en hugurinn er við fyrsta mótið sem verður í Sólbrekku. Hvað sem því líður að þá var mikill fjöldi samankominn í Sólbrekku og í raun mun meiri heldur en ég bjóst við sökum þess hversu brautin er orðin slitinn á hluta. En hún er samt ennþá merkilega góð og þá sérstaklega uppstökkin miðað við áganginn frá því að hún komst í gagnið. Greinilegt er að hjólafólkið er að koma út úr hýðinu og var maður að sjá andlit sem maður hafði varla séð í braut frá því síðasta haust. Stemmingin var í samræmi við það og mikill kátína á meðal fólks.
Brugðum okkur í Sólbrekka í seinna lagi í dag og vorum komin á svæðið rúmlega sex. Það var frekar kalt á svæðinu og fáir á ferli. Enda kom á daginn að brautin var á köflum frosin og síðasti kafli brautarinnar er orðin gatslitinn og klettarnir standa berir upp úr. Enda sprakk á þremur hjólum af fimm sem voru á svæðinu á meðan við vorum þarna. Mesta furða hvað pallarnir eru miðað við áganginn síðustu daga, en nú er komin tími til að fólk taki sig saman áður en það fer af stað í fyrramálið og labbi hring og týni úr brautinni. Við hjónin vorum að týna úr brautinni í kvöld og það sá varla högg á vatni.
