Margir ungir piltar sjá með stjörnum í augunum ökumenn í AMA Supercrossinu eða AMA Motocrossinu.  Hér er má sjá hvernig hefðbundinn keppnisdagur er hjá hinum geðþekka ökumanni Ryan Sipes sem ekur fyrir DNA Star Valli Yamaha í dag og fylgjumst við með keppninni sem fór fram í Indianapolis 12 mars 2011 en þessi dagur er líklegast mjög eftirminnilegur í augum Ryan Sipes því þá vann hann sína fyrstu keppni í AMA Supercrossinu í lites flokknum.  Því miður byrjaði Ryan Sipes ekki alveg eins vel um síðustu helgi og hann hefði líklegast óskað sér og endaði hann fimmti í það heila.  En hann þurfti að fara í gegnum LCQ þar sem hann lenti í óhappi í sínum undanriðli og komst ekki inn.  Þannig að í ljósi þess að hann var með síðasta ráshlið, nr.20, að þá verður þetta að teljast ásættanlegur árangur.