Hann Bjarki Sigurðsson sem hefur verið ökumaður Honda síðan ég veit ekki hvenær hefur ákveðið að ganga til liðs við Suzuki fyrir næsta ár.  Bjarki er í dag einn af okkar bestu ökumönnum í motocrossi og enduro og er þetta mikill liðstyrkur fyrir Suzuki og jafnframt töluverður missir fyrir Honda.  Ekki náði ég að spyrja Bjarka spjörunum úr á uppskeruhátíð MSÍ um hvort hann myndi verða á 250 hjóli og halda áfram í MX2 eða hvort hann hygðist fara á 450 hjól og keppa eingöngu í MX Open á næsta ári.  Persónulega er ég nokkuð skotinn í þeirri hugmynd að strákurinn fari á 450 og sérstaklega eftir að ég sá til hans á 450 hjóli á Akureyri síðasta sumar.  Ekki fylgir sögunni hvort að Einar Sigurðsson, yngri bróðir Bjarka, sé einnig gengin til liðs við Suzuki en Einar er núverandi Íslandsmeistari í 85cc flokki og færist upp í MX Unglinga.  Mér finnst ekki ólíklegt að víst að Bjarki er orðin gulur að þá sé Einar það líka en tek það fram að ég hef ekki staðfestingu um það.