Í gær birti MSÍ lista yfir þau verðlaun sem veitt eru á uppskeruhátíðinni sem fer fram laugardaginn 12 nóvember.  Við skoðun listans kemur það á óvart hversu margir liðabikarar hafa dottið út og stafar það fyrst og fremst af því að fjöldi liða í hverjum flokki fyrir sig hefur ekki náð tilætluðum lágmarksfjölda í samræmi við reglur MSÍ um keppnislið.  Einungis verða veitt verðlaun í tveimur flokkum í liðakeppni, ef ég skil plaggið rétt á vef MSÍ, og er það í MX Open og MX Unglinga.  Ef ég er ekki að lesa rétt í þetta skjal, að þá bið ég ykkur um að leiðrétta mig.  Ljóst er við þennan lestur að liðakeppnin má muna fífil sinni fegurri.  Hægt er að sjá listann með að smella hér eða vista hann, en hann er neðst með þessari frétt sem viðhengi sem hægt er að niðurhjala.