Já, það er nú eitt og annað sem hefur verið gert við 2012 hjólin hjá Yamaha þó svo að á yfirborðinu virðist þetta vera sömu hjólin og 2011 árgerðirnar.  T.d. hefur blöndungur verið stækkaður í YZ250F hjólinu, breyttur stimpill, breyting á grind o.fl.  Í YZ450F hjólið að það er það fyrst og fremst önnur stilling á "fuel mapping", þ.e. hvernig innspýtinginn vinnur saman með mótornum ásamt að fjöðrunin fékk einhverja yfirhalningu og þá sérstaklega að framan.  Hvað endurohjólin varðar að þá er WR450F hjólið töluvert breytt á milli ára.  Grindin er sú sama og í YZ250F, fjöðrunin kemur að stærstum hluta til frá YZ450F og hjólið er komið með beina innspýtingu.  Afar áhugavert og verður fróðlegt að sjá hvernig það hjól höndlar við þessar breytingar.  Hér fyrir neðan má sjá það helsta sem Yamaha hefur gert í þessum þremur tegundum af hjólum.