Þetta verður líklegast síðasta árið sem við Evrópubúar eigum eftir að sjá þennan keppa á gamla meginlandinu og miklar líkur eru á því að hann hverfi aftur heim til Bandaríkjana eftir komandi sumar sökum góðrar frammistöðu í AMA Supercrossinu þar sem meir en minni líkur eru á því að hann fari á samning þar.  En Zach Osborne hefur keppt á meginlandinu í FIM mótaröðinni í að verða þrjú ár við ágætan orðstír.  Hann slasaðist vísu síðasta sumar og varð að hætta frekari keppni nánast áður en keppnistímabilið byrjaði en hann sýndi það í AMA Supercrossinu að hann er tilbúinn í slaginn á ný þar sem hann stóð sig með miklum ágætum.  Hann er einn af bestu fimm keppendum að mínu mati í MX2 flokknum í ár og gæti hæglega með smá heppni staðið uppi sem MX2 meistari í FIM mótaröðinni.  Zach Osborne gerir sér grein fyrir að líklegast er þetta síðasti séns fyrir hann að klára dæmið í MX2 því hann þarf að fara upp um flokk á næsta ári sökum aldursreglna FIM og það ýtir ennþá frekar undir þær sögusagnir að hann sé á leið heim aftur þar sem hann mun keppa.  En ekki eru sömu aldursreglur í AMA hvað Lites flokkinn varðar en Lites flokkurinn er MX2 flokkur þeirra í AMA og miðast við 250cc hjól.  Zach Osborne er í liði með Arnaud Tonus og saman keppa þeir fyrir Monster Energy Yamaha í MX2.

Hér má sjá liðaskipan fyrir FIM Motocross tímabilið á næsta ári, að vísu ekki allt fullskipað en engu að síður nánast fullmótað hjá flestum.  Menn eru nokkuð spenntir að sjá t.d. baráttu á milli Christophe Pourcel, Clément Desalle, Steven Frossard og Antonio Cairoli að ógleymdum Gautir Paulin sem hefur alveg sýnt að hann getur sigrað á 450 hjóli + David Philippaerts og Bobryshev.  Í MX2 verður baráttan líklegast á milli Tommy Searl, Jeffrey Herlings, Zach Osborne, Arnaud Tonus og Max Anstie.  Ansi mörg lið á KTM á þessu ári sýnist mér og verður tímabilið mjög "orange" litað.

Nú er nýlokið undanriðlum í Motocross of Nations sem er ólympíuleikar okkar hjólamanna og skemmst er frá því að segja að liða Bandaríkjamanna virðist vera mjög dómenarandi í þessari keppni.  Í MX1 undanriðlinum var það Ryan Dungey sem sigraði en hann fékk keppni frá Ítalanum Antonio Cairoli og munaði rúmri sekúndu á milli þeirra.  Íslendingurinn Viktor Guðbergsson var í 24 sæti um tíma en endaði í 28 sæti.  Þegar MX2 riðilinn byrjaði, að þá átti maður von á því að Ken Roczen, Dean Wilson og Marvin Musquin myndi veita Blake Battett frá USA einhverja keppni en hann hreinlega rótburstaði þetta og hvarf hreinlega.  Ken Roczen hlekktist á og þurfti að vinna sig upp og endaði þetta þannig að Blake Baggett hreinlega tók keppinauta sína í nefið og vann með rúmlega mínútu forskoti.  Næsti maður var Marvin Musquin frá Frakklandi og Dean Wilson sem varð þriðji.  Eyþór Reynisson, eða "Íthor" eins og þulurinn kallaði hann var um tíma í 20 sæti en dettur og þurfti að vinna sig upp.  Endaði hann í 29 sæti.  Í síðasta riðli dagsins var það MX Open og þar var það sama sagan hjá liði USA.  Ryan Villopoto hreinlega hvarf sjónum og átti enginn möguleika í hann.  Verður að segjast að lið USA hefur sjaldan hin síðari ár litið sterkara út og verður erfitt að velta þeim úr sessi sem áskrifandur að sigri í þessari keppni.  Ítalinn David Guarneri varð annar og Frakkinn Gautier Paulin varð þriðji.  Þar með var það ljóst að USA var með fyrsta val á ráslhliði, Ítalir með annað val og Frakkar þriðja val.  Íslendingurinn Kári Jónsson tók þátt í MX Open og var hann um tíma í 24 sæti en endaði eftir daginn í 30 sæti.  Það dugði til þess að íslenska liðið komst inn í B-keppnina og mun sú keppni fara fram klukktíma á undann A-keppninni.  A keppnin hefst kl.11 að íslenskum tíma.  

Óska Íslendingum til hamingju með árangurinn og er hann mjög svipaður og verið hefur í öðrum keppnum hingað til.

Töluverður áhugi hefur myndast hér heima að skella sér til Frakklands til að sjá strákana okkar keppa á MXON þann 17-18 september.  Hún Klara í JHM er sú manneskja sem þú átt að tala við ef þú vilta skoða þau tilboð sem eru í gangi fyrir þá sem hafa áhuga, en það er eitthvað sértilboð fyrir okkur sem vilja fylgja þeim til Frakkalands á þessa keppni.  Hægt er að hringja í Klöru í síma 567-6116 eða 848-9980.  Pakkinn hljóðar upp á 64.100 kr. báðar leiðir og er þetta mun hagstæðara en að bóka sjálfur, er búinn að skoða það.  Sumir ætla að taka algjöran túrista á þetta og vera í kúlutjaldi eða einhverju sambærilegu á meðan sumir hafa hugsað sér að leigja sér húsbíl.  Miðað við það sem ég skoðaði á netinu í gær, að þá er hagstæðast að skipta við AVIS bílaleiguna hvað húsbílana varðar og er linkur á það hér.  Munar um 300-600 EUR á verðinu miðað aðrar sambærilegar leigur og munar um minna.

Víst við erum að tala um MXON keppnina að þá er ekki úr vegi að tala um listann yfir keppendur sem eru skráðir til leiks fyrir sitt land.  Að vísu mun listinn væntanlega taka einhverjum breytingum því Clément Desalle mun ekki keppa fyrir Belgíu vegna árekstur og áverka sem hann hlaut í síðustu umferðinni í Belgísku mótaröðinni.  Einnig finnst mér afar ólíklegt að David Philippaerts muni taka þátt fyrir ítalska liðið.  Hægt er að opna listann í heild sinni í viðhengi hér fyrir neðan sem pdf.

Og hér eru fleiri myndbönd frá Junior World MX of Nations sem fór fram á Ítalíu.  Skemmst frá því að segja að USA sigraði þetta mót og virðist sem þessir ungu ökumenn frá Bandaríkjunum ætli að halda áfram hefð þeirra eldri og vera efstir á palli í MXON ár eftir ár.  Kannski eftir 10 ár munu Íslendingar eiga fulltrúa þarna

Þá virðist vera fátt sem getur komið í veg fyrir að Antonio Cairoli tryggi sér fimmta heimstameistaratitilinn í FIM MX motocrossi og það í annað árið í röð í MX1.  Hans aðalkeppinautur, Clément Desalle, meiddist illa í belgísku mótaröðinni um helgina og verður út það sem eftir lifir tímabils og það sem meira er, hann verður ekki með á MXON í Frakkalandi í september.  Nýsjálendingurinn, Cody Cooper, mun taka sæti hans í Rockstar Suzuki í FIM MX1 mótaröðinni.

En það er ekki bara Clément Desalle sem er meiddur, hin geðþekki Andrew Short á KTM í Ameríku er einnig meiddur og verður ekki meira með í sumar.  Nú er spurning með framhaldið hjá honum og hvort samningur hans við KTM verður endurnýjaður en Roger DeCosta rær öllum árum að því að ná til sín Ryan Dungey og það þýðir að annað hvort fær Mike Alessi að fjúka eða Andrew Short, þ.e. svo framarlega sem hann nær að landa Ryan Dungey í hús.

Þegar ég hugsa til þess að þá var ég einhvern tímann búinn að heyra frá þessari keppni en þetta er í fyrsta sinn sem ég í raun sé eitthvað frá henni en þetta er frá MXON þeirra ungu, eða Junior World MX.  Þarna eru strákar að keppa á 65cc hjólum, 85cc og 125cc hjólum.  Það er kannski þarna sem MSÍ ætti að vera að fókusa upp á framtíðina að gera í sportinu.  Hér er myndband frá því að þeir koma á staðinn og labba í brautinni, sem fór fram á Ítalíu og síðan frá æfingum o.fl.  Kemur meira frá þessari keppni seinna þegar fleiri myndbönd koma á netið.

Þá er búið að velja liðið sem fer fyrir hönd Bandaríkjana á MXON í Frakklandi en það eru engir hálfkvissar sem taka þátt í þessu fyrir þeirra hönd.  En liðið mun samanstanda af Ryan Villopoto sem mun líklegast keppa í MX1, Ryan Dungey sem mun keppa í MX3 og Blake Baggett sem mun keppa í MX2.  Ekki er búið að staðfesta sum lið en búist er við að Ken Roczen og Max Nagl muni verða í liði Þýskalands en ákvörðunin um þriðja ökumanninn liggur ekki fyrir.  Í liði Ástrala verður þetta að öllum líkindum Chad Reed, Brett Metcalfe og Jay Marmont.

Í dag lauk ISDE í Finnlandi en Íslendingar áttu í fyrsta sinn lið í sögu þessarar einna erfiðustu liðakeppni hvers ár.  Keppnin var í fyrra fallinu í ár og stafar það af því að það vetrar snemma á þeim slóðum sem keppnin var haldinn og fyrir vikið, að þá þurfti að færa dagsetninguna til svo það yrði hægt að hafa keppnina á þessu svæði. Keppendur að þessu sinni voru þeir Haukur Þorsteinsson, Jónas Stefánsson, Árni Gunnarsson, Daði Erlingsson, Stefán Gunnarsson og Kári Jónsson.  Með þeim í för voru nokkrir góðir velunnarar sportsins á Íslandi sem voru þarna á eigin vegum til að styðja og hjálpa til eftir þörfum.  Skemmst er frá því að segja að þrír Íslendingar náðu að ljúka keppni en keppnin stendur yfir í sex erfiða keppnisdaga.  Það voru þeir Árni Gunnarsson og feðgarnir Jónas Stefánsson og Stefán Gunnarsson.  Hinir þrír, Haukur Þorsteinsson, Daði Erlingsson og Kári Jónsson urðu að hætta keppni vegna bilana sem gátu verið frá því að felgurnar eyðilögðust og allt að því að mótorarnir brotnaðu.  En ökumenn máttu ekki skipta um hjól og var takmarkað hvað mátti gera við hvert hjól í keppninni, en mig minnir að þeir hafa eingöngu haft um 15 mínútur til að gera við hjól í pitt þegar þeir komu inn á sérleiðunum og urðu ökumenn að gera við sjálfir, þ.e. máttu ekki þiggja utanaðkomandi aðstoð.  Vona að ég sé að fara með þetta rétt.  Ég óska Íslendingum til hamingju með árungurinn í þessari erfiðu keppni og eftir því sem ég best veit, að þá lenti Jónast Stefánsson í 30 sæti í  E1, Stefán Gunnarsson lenti í 23 sæti í E3 og Árni Gunnarsson lenti í 55 sæti í E2.  Er það glæsilegt eitt og sér að hafa lokið þessu móti.  Frábært strákar og hlakka til að heyra sögur.  Þetta fer í reynslubankann.

Þorri hefur verið að setja flotta pistla inn á motocross.is og ættu allir áhugamenn um enduro að lesa þá en hér fyrir neðan eru myndbönd sem ég fann af keppninni.  Ekki er komið fram myndband af síðasta keppnisdeginum, þ.e. í dag og mun ég henda því hér inn um leið og ég sé það á YouTube.

Yfirlýsing KKA vegna vals í liði fyrir MX des Nations

• Bjarki: moto: 3-3-3-6-6-3-1-4 Meðaltal: 3,62
• Viktor: moto: 10-8-5-2-2-5-4-3 Meðaltal: 4,87